Нийслэлийн Гэмт хэргээс урьдчилан сэргийлэх ажлыг зохицуулах салбар зөвлөлийн санхүүжилтээр дүүргийн Цагдаагийн хэлтсийн Замын Цагдаагийн тасаг, Нийтийн хэв журам хамгаалах, олон нийтийн аюулгүй байдлыг хангах тасаг болон Горхи-Тэрэлжийн цагдаагийн тасгийн үйл ажиллагаанд дэмжлэг үзүүлж, болзошгүй гэмт хэрэг, зөрчлөөс урьдчилан сэргийлэх зорилгоор Нийслэлийн иргэдийн Төлөөлөгчдийн Хурлын дарга бөгөөд нийслэлийн Гэмт хэргээс урьдчилан сэргийлэх ажлыг зохицуулах салбар зөвлөлийн дарга Ж.Батбаясгалан, Налайх дүүргийн Иргэдийн Төлөөлөгчдийн Хурлын дарга бөгөөд дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн дарга П.Нарантуяа, дүүргийн Засаг дарга Ч.Раднаабазар нар 3 ширхэг мотоциклийг хүлээлгэн өглөө.

Ингэснээр цагдаагийн байгууллагын үйл ажиллагааг иргэдэд хүргэх, гэмт хэрэг, зөрчлийн гомдол мэдээлэлд цаг алдалгүй түргэн шуурхай очих нөхцөл боломжоор хангагдах юм.