Идлэг шонхор шувууны тоо толгойг өсгөх зорилгоор БОАЖЯ энэ чиглэлээр үйл ажиллагаа явуулдаг мэргэжлийн байгууллагуудтай хамтран төсөл хөтөлбөр хэрэгжүүлсний үр дүнд Шонхор шувууны 5000 ширхэг хиймэл үүр байгуулж, үүнд жилд 1000-2000 ангаахай бойжиж байгааг мэргэжлийн хүн нь хэлжээ.

Идлэг шонхор шувууг соёлын зориулалтаар гаргахдаа орон нутгийн төсөвт экологи, эдийн засгийн үнэлгээний 40 хувь, Тэмдэгтийн хураамжийн тухай хуулийн дагуу улсын төсөвт тодорхой хэмжээний хураамжийг 1 идлэг шонхороос төвлөрүүлдэг. Засгийн газар 2019 онд тогтоол гаргаж, идлэг шонхор шувууг арилжааны зориулалтаар гадаадад гаргахыг дахин 5 жилээр сунгасан юм.