НҮБ-ын Ерөнхий чуулганы тогтоолоор “Чихрийн шижинтэй тэмцэх” өдрийг жил бүрийн 11 дүгээр сарын 14-нд дэлхийн нийтээрээ тэмдэглэн өнгөрүүлэхээр шийдвэрлэсэн түүхтэй. Диабетийн олон улсын холбоо, түүний гишүүн улс орнууд анх 1991 оноос чихрийн шижний эсрэг авах үйл ажиллагааг сайжруулах зорилгоор энэ өдрийг тэмдэглэж эхэлжээ. Харин манай улс Чихрийн шижинтэй тэмцэх дэлхийн өдрийг 2003 оноос эхлэн тэмдэглэж байна.
Эрүүл мэндийн даатгалын сангаас чихрийн шижин өвчний эмийн болон мэс заслын хэвтүүлэн эмчлэх тусламж, үйлчилгээний зардлын төлбөрийн 85-100 хувийг бүрэн хариуцаж даатгуулагч-иргэдийн эрүүл мэнд, насыг санхүүгийн эрсдэлд оруулахгүйгээр хамгаалан ажиллаж байна.
