Шүүхийн шийдвэр гүйцэтгэх байгуулагын харьяа хорих ангиуд буюу шоронд ойролцоогоор 3000 орчим хүн гэм буруутайн улмаас төрийн хуулийн дагуу цээрлэл хүлээж, ял шийтгүүлж  суудаг тухай Хууль зүй, дотоод хэргийн сайд Х.Нямбаатар чуулганы танхимаас мэдээлсэн. Тэгвэл уг байгууллагынхан эрх чөлөөгөө хасуулж, ял шийтгүүлсэн этгээдүүдийг мэргэжлийн сургалтад хамруулж, хувцас урлах, мужаан хийх зэрэг дадалтай болгодог. Тэгвэл ШШЕГ-аас 939 сая төгрөгийн шууд гэрээ байгуулах эрхтэйгээр хувцас хэрэгсэл худалдан авахыг зөвшөөрчээ.

Дээрх өндөр үнийн дүн бүхий худалдан авалтыг “ГАЗАР ИТЭЭЛ” ТӨААТҮГ-аас авахаар тохирчээ. Хууль зүй, дотоод хэргийн сайдын эрхлэх асуудлын хүрээний улсын төсөвт, төрийн өмчит аж ахуйн тооцоот үйлдвэрийн газрууд олон бий. Тэдгээрийн нэг нь Шүүхийн шийдвэр гүйцэтгэх ерөнхий газрын харьяа Хорих 407 дугаар анги төрөл бүрийн зөөлөн оёдлын бүтээгдэхүүн, Газар-Ивээл ТӨААТҮГ-аас төрөл бүрийн хатуу оёдлын бүтээгдэхүүнийг тус тус худалдан авахаар шийдвэрлэсэн байна.