Ковидын эсрэг зарцуулах мөнгөггүй МӨНГӨГҮЙ гээд уйлж унжаад байсан ОРХОН аймгийн удирдлагууд орон нутгийн хөгжлийн сангийн мөнгөнөөс 40 сая төгрөгөөр МЕДАЛЬ хийлгэх ТЕНДЕР зарлажээ!!! Монгол, Оросын найрамдалт ахан дүүсийн ариун хөдөлмөрийг бэлэгдсэн гарыг зохиомжлон оруулж, 45 жилийн ойн логог төв хэсэгт Эрдэнэт хот гэсэн бичилтийг ногоон туузан дээр, 1976-2021 гэсэн оныг улаан туузан дээр товойлгон хийсэн медаль 2000 ширхэгийг иргэдийн төлсөн татварын мөнгөөр хийлгэх аж.

Гаднаа гяланцаг, дотроо паланцаг гэгчээр наанаа гоё сайхан зүйл, үйлдвэржилт гэж халхавчилсан энэ аймагт эх, нярайн эндэгдлий тоо эрс нэмэгдсэн, ковидоор олон иргэн өвдсөн, гэр хороолол нь харанхуй, шороо тоосондоо дарагдсан гээд нэн даруй анхаарал хандуулах олон чухал зүйл шилээ даран, шийдлээ хүлээж байхад дарга нар нь ОЙ ТЭМДЭГЛЭНЭ, МЕДАЛЬ ХИЙЛГЭНЭ, ОЙ МОД ТАРИАЛНА гээд Улаанбаатар хотод ТАНСАГЛАЖ явна.