Сургууль, цэцэрлэгийн үйл ажиллагаа өнөөдрөөс танхимын сургалтын хэлбэрт шилжин багш нар маань хүүхдүүдээ хүлээж авах бэлтгэл ажлаа, хангаж дуусжээ. Тэдний нэг бол Нийслэлийн тэргүүний 163 дугаар цэцэрлэгийн хамт олон юм.

 

Тус хамт олон “Хүүхдийн хөгжилд бидний оролцоо” сэдэвт ажлын хүрээнд зургаан чиглэл тус бүр сургалтын хэрэглэгдэхүүн, үзүүлэн тараах материалыг бэлтгэж, цэцэрлэгийнхээ багш хөгжлийн төвийг тохижуулсан юм. Тэд энэхүү ажлыг өнгөрөгч оны арванхоёрдугаар сарын 20-ны өдрөөс энэ оны хоёрдугаар сарын 07-ны өдрийг хүртэл хийж, гүйцэтгэсэн байна. Сургалтын хэрэглэгдэхүүний хүртээмжийг нэмэгдүүлэхэд анхаарч ажилласан тус цэцэрлэгийн багш, ажилчдадаа сурган хүмүүжүүлэх үйлсэд нь амжилт хүсье.