УИХ-ын гишүүн, ЭЗБХ-ны дарга Р.СЭДДОРЖ Ааймаг орон нутгийнхаа сан хөмрөгийг арвижуулах, Улсын төсвийн орлого бүрдүүлэх үүргээ амжилттай биелүүлж байгаа Өмнөговь аймгийн Татварын газрын хамт олныг Төрийн ордонд хүлээн авч уулзлаа.

Өмнөговь аймаг 2023 онд нөөц бололцоогоо дайчилж, улсын төсөвт төвлөрүүлэх 456.4 тэрбум төгрөгийг бүрэн төвлөрүүлсэн бол 2024 онд аймаг өөрийгөө бүрэн санхүүжүүлээд, Монгол Улсын 2024 оны төсвийн тухай хуулиар улсын төсөвт 1.4 их наяд төгрөг төвлөрүүлэхээр ажиллаж байна. Аймгийн төсвийн орлогын төлөвлөгөөг биелүүлэх, төсвийн орлогын бааз суурийг нэмэгдүүлэх, татварын хууль тогтоомжийг хэрэгжүүлэхэд хүчин зүтгэж байгаа татварын улсын байцаагч, ажилтнууд та бүхэндээ ажлын өндөр амжилт хүсэн ерөөе.