Улиран одож буй 2024 онд Монгол улсын нийгэм, эдийн засаг, улстөр, геополитик бүхий л салбарт эрс өөрчлөлт, өсөлт гарсан томоохон бодлого шийдвэрүүд өрнөлөө. Эдгээрээс оны онцлох улстөрч, онцлох үйл явдал, оны онцлох шийдвэрүүдийг тоймлон хүргэж байна.

ОЙ ТОГТООЛТЫН ИХ МАСТЕР Э.ҮҮРИЙНЦОЛМОН чансаагаараа ДЭЛХИЙГ ТЭРГҮҮЛЛЭЭ

Турк Улсын Истанбул хотод болж буй 33 дахь удаагийн ой тогтоолтын дэлхийн аварга шалгаруулах тэмцээнд монголын шигшээ багийн 31 тамирчин,  5 багш оролцож байна. Энэхүү тэмцэнд Өсвөрийн Дэлхийн Аварга, Их Мастер 14 настай Э.Үүрийнцолмон охин 30 минутад 6465 цифр цээжлэн алдаагүй санаж дэлхийн рекордыг шинэчлэн тогтоолоо. Тэмцээний 10 төрлийн дараах нийлбэр оноо гарахад Монгол Улсын тамирчин, олон улсын их мастер Э.Үүрийнцолмон 21 оны 100 гаруй тамирчныг тэргүүлж 2024 оны ой тогтоолтын дэлхийн аварга тамирчин боллоо. Энэ нь дэлхийн аварга шалгаруулах тэмцээний 33 жилийн түүхэнд тодорсон хамгийн залуу аварга болж байгаа юм. Түүний хувьд 2022 оны бага насны улсын аварга, дэлхийн аварга, 2023 оны өсвөрийн улсын аварга, дэлхийн аварга, 2024 онд нийлбэр дүнгээр улсын аварга, оюуны олимпын аварга болсон билээ. Ийнхүү Монгол Улсаас нийлбэр дүнгээр дэлхийн аварга болж буй гурав дахь тамирчин болж нэрээ үлдээж байна.

Дэлхийн оюуны спортын холбооноос зохион байгуулдаг энэхүү тэмцээнд 21 орны чансаа өндөр 100 гаруй тамирчин ой тогтоолтын 10 төрлөөр гурван өдрийн турш өрсөлдөв. Монголоос олон улсын шүүгч, дасгалжуулагч Ө.Сэнгэсамдан, Б.Баасандорж нарын удирдлага дор шигшээ багийн 32 тамирчин оролцсон юм. Тэд тэмцээнээс өмнө тусгай орчинд, хэд хоногийн турш эрчимтэй бэлтгэн Истанбулыг зорьсон. Бүгд л өрсөлдөх төрөлдөө анхаарал хандуулж нэг зорилготой байсны дүнд дэлхийн аварга шалгаруулах тэмцээнээс 11 цом, 27 алт, 27 мөнгө, 26 хүрэл медалийг эх орондоо авчирч байна. Үүгээр зогсохгүй манай тамирчид ой тогтоолтын хоёр төрөлд дэлхийн дээд амжилтыг шинэчлэн тогтоосноо олон улсад зарлалаа.  Ингэснээр манай улс Америк, Англи, Герман, Турк, Хятад, Хонконг, Сингапур, Австри, Индонез, Япон, Солонгос, Швед, Энэтхэг зэрэг 20 гаруй улсад болсон цээж бодолт, хурдан уншлага, спорт өрөлт, ой тогтоолтын олон улсын 72 дахь тэмцээндээ амжилттай оролцож 151 цом, 1607 медаль хүртсэнээс гадна Гиннес, дэлхийн олон дээд амжилтыг шинэчлэн тогтоож амжилтын буухиагаа үргэлжлүүлсээр байна.