Улсын тэргүүний Галуут сум байгуулагдсаны 100 жилийн ойн баяр наадмын үндэсний бөхийн барилдаанд 128 бөх уран мэхийг уралдууллаа. Түүхэн ойн наадамд Баянбулаг сумын харьяат улсын харцага Нацагсүрэнгийн Золбоо түрүүлж, Баянлиг сумын харьяат аймгийн арслан Чинбатын Алтангэрэл үзүүрлэж наадамчин олноо баясгасан юм. Баянбулаг сумын харьяат улсын харцага Даш-Очирын Батболд, Бууцагаан сумын харьяат аймгийн начин Х.Балжинням нар шөвгийн дөрөвт үлдлээ.