Ногоон автобусны хэрэг дэгдэж сайд дарга нарыг СЭНТИЙГЭЭС нь буулгаад амжив. Үүний дүйвээнд нийслэл дахь дунд шатны дарга нар ч шалгагдаад амжив. Насаараа төрд ажилласан хүмүүс атал хичнээн тэрбумын байртай болчихсон нь анхаарал татдаг. Үүний нэг нь Хотын стандарт, хяналтын газрын дарга Сүхийн Төмөрдулам юм.

Төрд 31 жил ажилласан тэрбээр 2023 оны сүүлчээр тэтгэвэртээ сууна. Улсын геодези, зураг зүйн газарт геодезийн инженерээр ажлын гараагаа эхлүүлж байсан тэрбээр 2019 оноос өнөөг хүртэл Хотын стандартын газрын даргаар сүүлийн зургаан жил ажиллаж буй нэгэн.

Тэгвэл энэ хатагтай тэтгэвэрт суухдаа 40 сая 432 мянган төгрөгийн 36 сарын нэмэгдэл авахаар тооцож өөрөө өөрийнхөө авах мөнгөнд гарын үсэг зуржээ.