Монгол улсын үндэсний аюулгүй байдал, улс орны тусгаар тогтнолыг хамгаалах чухал ач холбогдолтой Хил хамгаалах байгууллагынхан улсын төсвөөс санхүүждэг.Улсын төсвийг ард түмний татварын мөнгөөр бүрдүүлдэг. Тус байгууллагын зүгээс хамтран ажилладаг 2012 онд үүсэн байгуулагдсан “Вертексмон” ХХК-ийн 5002411886 данс руу 77 сая төгрөгийг БУЦАЛТГҮЙ ТУСЛАМЖ хэлбэрээр 2023 оны 05 сард шилжүүлсэн байна.

Өмнө нь Программын лиценз гэх агуулгаар дөрвөн удаагийн гүйлгээнд 98 сая 733 мянган төгрөгийг шилжүүлсэн бол дараа нь БУЦАЛТГҮЙ ТУСЛАМЖ гэсэн гүйлгээний төлбөрт 77 саяыг хийсэн байх юм. Татвар төлөгчдийн мөнгийг энэ мэтээр үнэгүй зарцуулж, дундаас нь цавчаа хийдэг байж болзошгүй юм.

Энэ нь Төсвийн тухай, “Төрийн хэмнэлтийн тухай” хуулиудыг тус тус зөрчсөн үйлдэл болж байна. “Вертексмон” ХХК нь Программ хангамж, Төлбөр эсвэл гэрээний үндсэн дээр хийгдэх бөөний худалдаа, Мэдээлэл технологийн үйлчилгээний чиглэлээр ажилладаг компани аж. Гүйцэтгэгч захирал нь Д.Мэндсайхан гэгч эрхэм байна.