АЙМГИЙН ТӨСВИЙН УДИРДАХ АЖИЛТНЫ ЗӨВЛӨГӨӨН БОЛЖ БАЙНА. Тус зөвлөгөөн нь төсвийн бүх шатны захирагч, нягтлан бодогч, сумдын санхүү албаны дарга нарыг төсвийн бүхий л харилцаанд Төсвийн тухай хууль болон бусад хууль тогтоомж, тэдгээртэй нийцүүлэн гаргасан заавар, журам, тушаал, шийдвэрийг даган мөрдөж, хэрэгжүүлэн ажиллахад дэмжлэг үзүүлэх, мэдээллээр хангах зорилготой юм.

Төсвийн ерөнхийлөн захирагчийн 2023 оны санхүүгийн нэгтгэсэн тайланд 163 төсөвт байгууллага, 20 тусгай зориулалтын сан болон данс, 16 төрийн сан, 100 хувийн орон нутгийн өмчит 44 үйлдвэрийн газар, 51 хувийн 2 хувьцаат компани, бүгд хяналтад байгаа 245 байгууллагын тайланг хүлээн авч нэгтгэн, Төрийн аудитын байгууллагаар баталгаажуулж, “ӨӨРЧЛӨЛТГҮЙ” санал дүгнэлт гарчээ.

Мөн Сангийн сайдын 2023 оны 103 дугаар тушаалаар тус аймгийн санхүү, төрийн сангийн үйл ажиллагаанд Сангийн яамнаас дотоод хяналт хийх төлөвлөгөө, Төрийн нарийн бичгийн даргын 2023 оны а/113 тоот тушаалаар баталсан удирдамжийн дагуу төрийн сангийн үйл ажиллагаанд эрсдэлийн үнэлгээ хийж, эрсдэлийн түвшин “БАГА” гэж үнэлүүлсэн амжилттай ажиллаж байна.