ӨМНӨГОВЬЧУУД ҮНДЭСНИЙ НОМЫН БАЯРЫГ ӨРГӨН ХҮРЭЭНД ТЭМДЭГЛЭН ӨНГӨРҮҮЛЛЭЭ.

Монгол Улсын Ерөнхийлөгчийн “Номын баярын өдөр тэмдэглэх тухай” 158 дугаар зарлиг, Тэмдэглэлт өдрүүдийн тухай хуулийн дагуу “Үндэсний номын баяр”-ыг “Илүү их уншъя” уриатайгаар улс орон даяар зохион байгуулж байна.

Өмнөговь аймаг нь номын баяраараа номын үзэсгэлэн худалдаа, солилцоо, танин мэдэхүйн уралдаан тэмцээн зохион байгуулж, “Уншдаг хүүхэд хөгждөг” ном уншлагын аяны үйл ажиллагааг тайлагнаж, үр дүнгийн хэлэлцүүлэг өрнүүллээ.

Өмнөговь аймгийн “Нутгийн хишиг”, “Говийн ирээдүй хүүхэд” хөтөлбөрийн хүрээнд 2 дахь жилдээ зохион байгуулагдсан “Уншдаг хүүхэд хөгждөг” аяны шалгаруулалтаар:

1-р байранд: Даланзадгад сумын 4 дүгээр сургууль, Цогтцэций сумын 30-р цэцэрлэг

2-р байранд: Цогтцэций сумын 1 дүгээр сургууль, Цогт-овоо сумын 12-р цэцэрлэг

3-р байр: Даланзадгад сумын 3 дугаар сургууль, Даланзадгад сумын 26 дугаар цэцэрлэг

Тусгай байр: Номгон сумын ерөнхий боловсролын сургууль, Даланзадгад сумын 7 дугаар сургууль, Даланзадгад сумын 2-р цэцэрлэг, Даланзадгад сумын 11-р цэцэрлэг тус тус шалгарч, 4 сая хүртэлх төгрөгийн ном авах эрхээр шагнагдлаа.