Нийслэлийн Хан-Уул дүүргийн дөрөвдүгээр хорооны нутаг дэвсгэрт байрлах “Шинэ-Өргөө" хорооллын дундах хүүхдийн тоглоомын талбай руу автомашин орж 6-9 насны дөрвөн хүүхдийг мөргөж гэмтээсэн харамсалтай хэрэг гарчээ. Одоогийн байдлаар уг тээврийн хэрэгслийн жолооч согтууруулах ундаа хэрэглээгүй, эмэгтэй байсан гэх албан бус мэдээлэл байна. Ослын улмаас эмнэлэгт хүргэгдсэн дөрвөн хүүхдийн биеийн байдал одоогоор тодорхойгүй байна.