Ж.Батзандан нь УИХ-ын гишүүнээр ажиллаж байхдаа Монгол-Унгарын бүлгэмийн даргаар ажиллаж, хоёр улсын найрамдалт харилцааг хөгжүүлэхэд үнэтэй хувь нэмэр оруулсан нэгэн юм. Тэрбээр өмнө нь Унгар улсад сурч боловсрол эзэмшсэн нэгэн юм.

Хоёр улсын хоорондын харилцааг гүнзгийрүүлэх, боловсрол, спорт, соёл урлагийг хөгжүүлэх, харилцан туршлага судлах зэрэг чухал ач холбогдолтой үйлсэд хүчин зүтгэсэн хувь нэмрийг нь Унгар улсын Ерөнхийлөгч онцгой анхаарч энэхүү шагналд тодорхойлжээ.

Тус шагналыг гардан авахдаа Ж.Батзандан нь “Хоёр улсын найрамдалт харилцаа улам өргөжин тэлэх болно гэдэгт итгэлтэй байна. Өчүүхэн миний зүтгэлийг үнэлсэнд баярлалаа. Цаашид хүчин зүтгэх болно” хэмээлээ.