Хараа муутай цэргээс ХААДЫН ДҮРД хувилсан чадварлаг жүжигчин П.БАТТӨР

" Тусгай салаа" олон ангит киноны Түвшингийн дүрээр олонд танигдсан жүжигчин бол П.Баттөр юм. Сул дорой, хөгшин, хараа муутай цэргийн дүрээр олны танил болсон болоод ч тэр үү хүмүүс Баттөрийг яг л энэ дүрээр нь төсөөлдөг. Тусгай салаа кинонд тоглохоос ч өмнө фитнесээр хичээллэн 2008 оны улсын аваргын хүрэл медаль хүртэж байсан нэгэн. Гэвч кинонд дүрээ амилуулахын тулд зориуд булчинлаг биеийг нь ихэд нууж байнгын цэргийн хувцастайн явуулж, киноны зураг авалтыг дуусгажээ. Түүнийг хэзээдээ ийм гоё биетэй болчхов оо гэж гайхаж хүлээж авах хүмүүс цөөнгүй ч 20 жилийн тууштай хөдөлмөр ажээ.

Найз бүсгүйдээ байнга хардуулсан ч эр цэргийн албаа хаах ёстой гэсэн ойлголтыг хүүхэд залуучуудад өгч, тэр дүрээрээ мөнхөрсөн залуу жүжигчин маань олон улсын уран бүтээлчидтэй хамтарч ГҮЕГ хаан, АТТИЛА хааны дүрийг мөнхөлж, Монголын кино урлагийг дэлхийн хэмжээнд сурталчилж, өөр өнгө төрхөөр үзэгч түмнээ баясгаж яваа билээ.