Нийслэлийн эрүүл мэндийн салбарын менежментийг оновчтой, үр дүнтэй, ил тод болгож, эрүүл мэндийн тусламж, үйлчилгээний чанар, хүртээмжийг иргэдийн болон үйлчилгээ үзүүлэгчдийн эрэлт хэрэгцээнд нийцүүлсэнээр иргэдийн эрүүл мэндийг сайжруулах эрхэм зорилго бүхий Нийслэлийн эрүүл мэндийн газар 2020 оны 12 сарын 2-нд Эрүүл мэндийн сайдын А/550, НЭМГ-ын А/152-р тушаалаар нэг удаагийн амны хаалтыг 474 сая 800 мянган төгрөгөөр худалдан авчээ.

НЭМГ  “Бат девелопмент ХХК”-ийн дансанд өнгөрөгч арванхоёрдугаар сарын 02-ны өдөр 474 сая 800 мянган төгрөгийг нэг удаагийн амны хаалт худалдан авахаар шилжүүлжээ. Тус хувьцаат компани нь мод, бут, үрсэлгээ суулгац тариалах, газар тариалан, фитнесс бялдаржуулах төв ажиллуулах, фермерийн аж ахуй, хүлэмжийн аж ахуй, барилгын засвар хийх, мэдээлэл технологийн үйл ажиллагаа, барилгын материалын худалдаа, санхүүгийн тайлан баланс гаргах түүнтэй холбоотой зөвлөгөө өгөх, гадаад худалдаа гэх мэт олон чиглэлээр үйл ажиллагаа явуулдаг аж.

Дэлхийн эрүүл мэндийн байгууллагын зөвлөмжөөр хоёр цагт тутамд нэг амны хаалтыг зүүх шаардлагатай ч хоёр цаг тутамд хогийн саванд хог болон үлдэх амны хаалтад их хэмжээний мөнгийг ийнхүү зарцуулжээ. Чухамдаа төсвөөс гарсан эл зардлыг амны хаалтад зарцуулсан уу гэдэг нь ойлгомжгүй байгаа юм.