Хөдөлмөрийн зах зээлд төрөөс баримтлах бодлого шийдвэрийг зохицуулдаг гол яам нь Хөдөлмөр, нийгэм хамгааллын яам юм. Энэ байгууллагаас 2023 оны хөдөлмөрийн зах зээлийн дунд хугацааны эрэлт нийлүүлэлтийн таамаглал боловсруулах судалгааг 750 сая төгрөгөөр хийхээр болжээ. Хөлмөрийн зах зээлийн эрэлт, нийлүүлэлт нь ажил хайгч, ажил олгогч гэж шууд ойлгож болох юм.  Тэгвэл 2023 онд энэ үзүүлэлт ямар байх вэ гэдгийг тооцож гаргахаар “Хөдөлмөр, нийгмийн хамгааллын сургалт үнэлгээ, судалгааны инстит” хариуцан ажиллаж байна. 2022 оны I улирлын байдлаар Монгол Улсад 15 ба түүнээс дээш хөдөлмөрийн насны 2.125.6 мянган хүн байгаагийн 1.232.8 (58%) мянга нь ажиллах хүч, 892.8 (42%) мянга нь ажиллах хүчнээс гадуурх хүн ам байна.