УИХ-ын 2024 оны сонгууль ирэх зургаадугаар 28-нд болох тов гарчихсан. 126 гишүүн сонгоно. УИХ-ын архаг гишүүд болон гишүүн болохоор мөрөөдөгчид аварга малчдын шагнал гардуулж аймаг аймгаар хэсээд буй. Гэхдээ аль намаас хэн хэн хаана дэвших нь хараахан тодорхой болоогүй байтал зарим төрийн байгууллагууп СОНГУУЛИЙН САМБАР ХУДАЛДАН АВАХААР тендер зарлаад эхэлжээ.

Тодруулбал Орхон аймгийн Баян-Өндөр сумын Засаг даргын тамгын газраас орон нутгийн төсвийн 30 сая төгрөгөөр СОНГУУЛИЙН САМБАР ХУДАЛДАН авах тендер зарласан байна. 15 ширхэг самбарыг 30 сая төгрөгөөр худалдан авах аж. Төрийн хэмнэлтийн тухай хуулиар уг худалдан авалт нь хориотой бөгөөд хууль зөрчсөн үйлдэл.  Хуулиараа бол иргэдийн хамгийн ихээр дэмжсэн зүйлийг орон нутгийн төсвөөр санхүүжүүлж хийх ёстой.