УИХ-ын гишүүн П.Анужин, Ерөнхийлөгчийн төрсөн дүү У.Отгонбаяр нарт тойргоо алдсандаа цухалдуу яваа гэх МАН-ын хоёр гишүүний нэг болох Б.Бат-Эрдэнээс сэтгүүлчид нэр дэвшихгүй болсон талаар нь тодруулахад дараах тайлбар хийв.

Тэрбээр “Амьдралдаа би нэг сайн жишиг тогтоогоод байдаг хүн л дээ. Олон түмэн мэдэж байгаа. Би улсад 12 жил түрүүлээд  тэгээд татчихсан. Тэрэнтэйгээ адилхан би УИХ-д таван удаа сонгогдож ажиллалаа. УИХ-ын сонгуулийн тухай хуулийн дагуу Хэнтий, Сүхбаатар, Дорноговь аймаг бүчилсэн том тойрог болсон. Зүүн бүсэд би цас зудын үеэр ч ажилласан, УИХ, Засгийн газрын хөтөлбөрийг танилцуулахад ч ажилласан.

Зүүн бүсэд миний рейтинг Ерөнхий сайдын дараа л байгаа, тасархай. Би энэ удаагийн УИХ-ын сонгуульд нэр дэвшихгүй гэдгээ өмнө нь ч хэлсэн байсан. Бага хурал эхлэхийн өмнө намын дарга намайг дуудаж уулзсан. “Би 2013 онд Ерөнийлөгчийн сонгуульд нэр дэвшиж өргөн олныхоо дэмжлэгийг авсан хүн. Хэнтий,  Сүхбаатар, Дорноговь надад хамгийн өндөр итгэл хүлээлгэсэн. Тэр итгэлийг би алдаагүй өнөөдрийг хүртэл явж байгаа. Миний нэр цэвэр, сэтгэл цэвэр, гар цэвэр . Өргөн олны дэмжлэг байгаа л “ гэж хэлсэн гэлээ.