Улсын онцгой комисс, нийслэлийн Засаг даргын Тамгын газар болон Онцгой байдлын ерөнхий газраас өнөөдөр төвийн дүүргүүд болон зарим чиг үүргийн байгууллагуудыг ус соруулах насосоор хангалаа.

Улаанбаатар хотод энэ жил өмнөх жилүүдээс илүү их хур тунадас орох төлөвтэй байгааг мэргэжлийн байгууллагууд хэлж байгаа тул болзошгүй эрсдэлээс урьдчилан сэргийлэх үүднээс ийнхүү дүүргүүдийг ус соруулах насосоор хангаж байна. Тус ус соруулах насос нь 1 цагт 300 метр куб ус соруулах хүчин чадалтай бөгөөд 2023 онд НЗДТГ долоон ширхгийг худалдан авч байжээ.