БНМАУ-ын баатар, ЗХУ-ын 4 удаагийн баатар, маршал Г.К.Жуковын нэрэмжит Зэвсэгт хүчний 327 дугаар ангиас алба хаагчдадаа мэргэшүүлэх сургалтыг үр дүнтэй зохион байгуулах зорилгоор Зүүн бүсийн Онцгой байдлын газрын сургагч багш нартай хамтран “Усны сургалт, дадлага”-ыг зохион байгууллаа.

Тус сургалтыг 2 өдрийн хугацаанд явуулсан бөгөөд эхний өдөр “Үер, усны тухай ойлголт”, “Үер усны аюулаас урьдчилан сэргийлэх, тэмцэх” сэдвүүдээр онолын мэдлэг олгож, төгсгөлд нь Хэрлэн голын хөвөөн дээр “Усанд сэлэх арга техник, төрлүүд”, “Уснаас хүн болон өөрийгөө аврах арга, ажиллагаа” сэдвүүдээр дадлагыг зохион байгуулсан юм.

Мөн сургалтын хугацаанд алба хаагчдаар отгийг зохион байгуулж хамгаалалтад авах, өнгөлөн далдлалт хийх, гарын доорх материалаар хүнс бэлтгэх, аяны хамгаалалт, цувааны журмыг зохион байгуулах дадлага сургуулийг хийлээ. https://gsmaf.gov.mn/hztsk/onePost/2053