“Шинэ хоршоо хөдөлгөөн 2.0” хоршоологч, үйлдвэрлэгчийн түншлэл арга хэмжээ болж талууд хамтран ажиллах санамж бичиг байгууллаа. Засгийн газраас “Шинэ хоршоо” хөдөлгөөнийг санаачлан эрчимтэй хэрэгжүүлснээр сар гаруй хугацаанд энэ сарын 14-ний байдлаар анхан шатны хоршоо 3778, дундын хоршоо арав байгуулагдаж, 38464 малчин гишүүнээр элсэж, 70 тэрбум төгрөгийн хөрөнгө оруулалтын зээл авчээ. Архангай аймагт хамгийн олон буюу 400 гаруй хоршоо байгуулагдаж, эхнээсээ хөрөнгө оруулалтын зээлээ авч, үйлдвэрлэл үйлчилгээ явуулах бэлтгэл ажилдаа ороод байна.