Чингэлтэй дүүргийн Онцгой комиссын шуурхай хурал өнөөдөр болж дүүргийн Засаг дарга бөгөөд Онцгой комиссын дарга Н.Батсүмбэрэл Онцгой комиссын гишүүдэд үүсээд буй нөхцөл байдлыг танилцуулж нийслэлийн хэмжээнд гамшгийн шар түвшин тогтоосонтой холбогдуулан дүүргийн нутаг дэвсгэрт үер, усны аюулаас урьдчилан сэргийлэх арга хэмжээг эрчимжүүлэх, үерийн хариу арга хэмжээний төлөвлөлт, гамшгаас хамгаалах албадын бэлтгэл бэлэн байдлыг сайтар хангах дүүргийн хэмжээнд Шуурхай штаб байгуулах талаар үүрэг болголоо.

Мөн үерийн эрсдэлтэй бүсэд зөвшөөрөлгүй буусан айл өрхүүдийг нүүлгэн шилжүүлэх, хариу арга хэмжээ авах талаар онцгойлон анхаарахыг үүрэг болголоо.