Байгаль орчин, уур амьсгалын яам сар шинийн босгон дээр ахмадуудаа хүлээн авч, хүндэтгэл үзүүлдэг уламжлалтай.

Өнөөдөр /2025.02.25/ Байгаль орчин уур амьсгалын сайд С.Одонтуяа, Төрийн нарийн бичгийн дарга Э.Баттулга болон албан хаагчид XVII жарны “Элдэв эрдэнэт” хэмээх модон могой жилээ угтан яаманд ажиллаж байсан ахмад настнуудаа хүлээн авч, хүндэтгэл үзүүллээ.

Хүндэтгэлийн арга хэмжээг Байгаль орчин, уур амьсгалын өөрчлөлтийн сайд С.Одонтуяа нээж, үг хэллээ. Тэрбээр үгэндээ салбарын бодлого, үйл ажиллагааг сайжруулах, салбарын хууль тогтоомжийг боловсронгуй болгоход ахмад мэргэжилтнүүдийнхээ оролцоог нэмэгдүүлж, тэдний ажил, мэргэжлийн туршлагаас суралцаж, залуу мэргэжилтнүүдийг чадавхижуулахад дэмжлэг авч ажиллахыг чухалчилж байгаагаа дурьдлаа. Мөн Байгаль орчин, уур амьсгалын өөрчлөлтийн яам Ахмадын сангийн хөрөнгийг нэмэгдүүлж, ахмад настнууддаа үзүүлэх дэмжлэг туслалцаагаа сайжруулах зорилт тавин ажиллаж байгаагаа онцлов.