Fibo Cloud компани нь Узбекистан улсын тэргүүлэх харилцаа холбооны оператор болох Uztelecom JSC компанитай үүлэн технологийг нутагшуулах хамтын ажиллагааны гэрээ байгууллаа.​

Uztelecom JSC-ийн тухай

• Ажилтнуудын тоо: 17,000 гаруй​
• Хэрэглэгчдийн тоо: 10 сая гаруй​
• Улс даяарх өндөр хурдны кабелийн эзэмшил: 92%​
• 2024 оны 3-р улирлын орлого: 6.6 их наяд сум (ойролцоогоор 510 сая ам.доллар), өмнөх оны мөн үеэс 13%-ийн өсөлт ​UzDaily
• 5G сүлжээний нэвтрүүлэлт: 2024 оны 9-р сард Узбекистаны бүх бүсийн төвүүдэд 5G сүлжээг 100% нэвтрүүлсэн.
• Хиймэл оюуны салбарт: 5G бүрхсэн сүлжээндээ тулгуурлан, Uztelecom нь Төв Азийн хамгийн том AI холбоо болох AICA-гийн гишүүн байгууллага болж, хиймэл оюун ухааны салбар дахь байр сууриа бэхжүүлж байна.

Хамтын ажиллагааны тухайд
Энэхүү хамтын ажиллагаа нь 2023 оны 6 сард эхэлсэн бөгөөд 2 жилийн турш мэдээллийн аюулгүй байдал, найдвартай байдал, нутагшуулалтын ажлуудыг, тухайлбал дотоодын хэрэглэгч таних систем, татварын системтэй холболт зэрэг олон шатны шаардлагыг амжилттай хэрэгжүүлсний үр дүнд эцсийн хэрэглэгчдэд cloud.uztelecom.uz домэйнээр дамжуулан хүрч байна.​

Узбекистан улсын үүлэн тооцооллын зах зээл хурдацтай өсөж байгаа бөгөөд 2025 онд 202 сая ам.долларт хүрнэ гэж үзэж байна. 2025-2029 оны хооронд жилд дунджаар 28.43%-ийн өсөлттэй байж, 2029 он гэхэд зах зээлийн хэмжээ 550.10 сая ам.долларт хүрэх төлөвтэй байна.​

Монгол Улсад ямар ач холбогдолтой вэ?
Энэ нь дата төвийн чиглэлээр Монголчууд Төв Азид хийж буй хоёр дахь экспорт бөгөөд Фибо Клауд компанийн хоёр жилийн өмнө Казахстан улсын дата төвийн томоохон төлөөлөл болох Транстелекомтой хэрэгжүүлэн нэвтрүүлсэн (cloud.ttc.kz) төслийн дараагийн алхам юм.​

"Unread Awards"-ын шилдэг старт ап: "Фибо Клауд" - Тэд хэрхэн хийв?

Uztelecom нь одоогоор Tier-3 түвшний хоёр дата төвийг өргөтгөн, ирэх жилүүдэд тав болгох, цаашлаад бүс нутгийн дижитал маркетплэйс нэвтрүүлэх боломжийг хангах тухай хоёр компанийн төлөөллийн уулзалтаар ярилцсан. Энэ үүднээс Монголын технологийн компаниуд өөрсдийн бүтээгдэхүүн, үйлчилгээг Узбекистан улсын бизнес эрхлэгчдэд PaaS (Platform-as-a-Service) хэлбэрээр хүргэх, төлбөр тооцоог компани байгуулалгүй хялбараар хийх давуу талуудтай болох юм.​

Ташкент хот, Узбекистан улс
2025 оны 3-р сарын 12