Монгол Улсад орчин цагийн Зэвсэгт хүчин үүсэн байгуулагдсаны 104 жилийн ой, Монгол цэргийн өдрийг угтан “Иргэн-цэргийн харилцаа” өдөрлөгийг Хан-Уул дүүргийн иргэд, хүүхэд залуучуудад Батлан хамгаалах бодлого, үйл ажиллагааг таниулах, эх оронч үзэл төлөвшүүлэх зорилгоор өнөөдөр зохион байгууллаа.

Арга хэмжээнд Дүүргийн Засаг даргын Тамгын газрын дарга З.Буянт, Нийслэлийн Засаг даргын Тамгын газрын Цэргийн штабын Төлөвлөлт, сургалтын офицер, хошууч Ц.Энхтайван, Дүүргийн Засаг даргын Тамгын газрын Цэргийн штабын дарга, хурандаа Д.Баасанхүү нар оролцлоо.

Үйл ажиллагааны хүрээнд Зэвсэгт хүчний 029 дүгээр ангид хугацаат цэргийн алба хааж байгаа байлдагч Т.Баяржаргалын ар гэрт “Гэр” олгох батламж гардууллаа. Мөн “Монгол цэргийн музей” уралдааны бүтээлүүдээр үзэсгэлэн дэлгэсэн бөгөөд Цэргийн Дуу Бүжгийн Эрдмийн чуулга болон Зэвсэгт хүчний 032, 150 дугаар ангиуд үзүүлэх тоглолт үзүүллээ.