БНХАУ-д гарсан шинэ коронавирус буюу Covid-19-ийн тархалттай холбоотойгоор Монгол Улсын Ерөнхийлөгч зарлиг гаргаж, Засгийн газраас хэсэгчилсэн өндөржүүлсэн бэлэн байдалд шилжээд буй. Шаардлагатай тохиолдолд УИХ-ын ээлжит бус чуулганыг зарлаж хуралдуулахыг Ерөнхийлөгч зарлигтаа тусгасан. УИХ-ын намрын чуулган хаалтаа хийж, үйл ажиллагаа нь түр завсарласан боловч хоёрдугаар сарын 18-ны өдөр хуралдах юм байна.

Хуралдаанаар коронавирусийн үед хэрэглэгдэх маск, ариутгалын бодис, хүнсний бүтээгдэхүүн, импортын зарим бараа бүтээгдэхүүнийг нийлүүлэхэд тулгарч байгаа зарим хууль тогтоомжид өөрчлөлт оруулахаар төлөвлөжээ.