Багануур дүүрэгт COVID-19 сэжигтэй тохиолдол өнөөдөр бүртгэгдсэн. Тус иргэн нь энэ сарын 22-ны өдөр БНСУ- аас ирсэн ба хоолой нь өвдөж, өнөөдөр өөрөө эмнэлэгт хандсанаар тус дүүргийн Эрүүл мэндийн төвөөс яаралтай тусгаарлан, шинжилгээ авч ХӨСҮТ-д илгээсэн байна. Тухайн иргэн ирсэн өдрөө Налайх дүүргийн 8-р хороонд байх эгчийнхээрээ орсон, тус айлд зочилж ирсэн 4 айлыг тандалт судалгаагаар илрүүлсэн байна. Налайх дүүргийн Онцгой комисс яаралтай хуралдаж 8 хороонд хэсэгчилсэн хөл хорио тогтоогоод байна. Одоогоор хөл хорио тогтоосон айл өрхийн гишүүдэд ямар нэгэн өвчний шинж тэмдэг илрээгүй. Багануур дүүргийн иргэний шинжилгээний хариу маргааш гарах юм байна.