Тодруулбал, тэрээр Хятадын ард түмэнд хүмүүнлэгийн тусламж үзүүлэхийн сацуу коронавирусын тархалттай холбоотой асуудлаар БНХАУ-ын удирдлагуудтай туршлага, санал солилцох ажээ.  Энэ тухай БНХАУ-ын Гадаад Харилцааны Яамны хэвлэлийн төлөөлөгч Хуа Чүнь-Ин мэдэгдсэн байна.

Монгол Улсын Ерөнхийлөгчийн энэ удаагийн айлчлалыг Монгол улсын иргэд хурцаар шүүмжилж, ҮАБЗ-ийн дарга нь өөрөө зөвлөмжөө зөрчиж, Хятадад айлчлахаар болж байгаа нь хууль зөрчсөн үйлдэл хэмээн үзэж байна. Түүнчлэн Ерөнхийлөгч Х.Баттулга өөрөө зарлиг гаргаж Цагаан сар тэмдэглэхийг хориглосон, энэ хүрээнд Засгийн газраас бүх төрлийн гадаад дотоод албан айлчлал, томилолтыг цуцалсан юм.