Дэлхийн 50 орчим улсад хурдацтай тархаад байгаа шинэ төрлийн коронавирус ковид-19-ийн халдвараас урьчдилан сэргийлэх ажлын хүрээнд Монгол улс өндөржүүлсэн бэлэн байдалд ажиллаж, төр засгаас багагүй мөнгө гаргаж байгаа билээ.

Энэхүү хөнөөл вирусийн эсрэг иргэн бүр идэвхийлэн тэмцэж байгаа бол бололцоотой зарим иргэн, аж ахуй нэгжүүд хувиасаа мөнгө төгрөг хандивлаж байна. Тухайлбал игэн Д.Дорждүрэвийн гэр бүлийн зүгээс 20 сая төгрөг Эрүүл мэндийн яаманд бэлэглэсэн бол Монгол улсын аварга С.Мөнхбатын гэр бүлээс мөн 20 сая төгрөгийн хандивыг Улсын онцгой комиссийн даргад гардуулан өглөө.