Жайка байгууллагын техникийн туслалцааны “Монгол орны байгаль цаг уурын нөхцөлд тохирсон авто замын хучилтын технологийн чадавхыг сайжруулах төсөл”-ийн хүрээнд Зам, тээврийн хөгжлийн төвийн “Зам, барилгын эрдэм шинжилгээ, судалгааны итгэмжлэгдсэн төв лаборатори”-д Дугуй мөрний ховил болон Асфальт бетоны өгөршилтийг тодорхойлох, Асфальт бетоны эцсийн нягтралтыг хангах автомат мэдрэмж бүхий төхөөрөмж, Асфальт бетоны шатаах зуух, Битумын хугарлыг Фрассын аргаар тодорхойлох автомат төхөөрөмж зэрэг нийт 14 нэр төрлийн тоног төхөөрөмжийг 2020 оны 2 дугаар сарын 18-ны өдөр албан ёсоор хүлээлгэн өглөө. Зам, барилгын эрдэм шинжилгээ, судалгааны итгэмжлэгдсэн төв лабораторид Итали, Англи, БНХАУ-д үйлдвэрлэсэн дээрх тоног төхөөрөмжийг нэвтрүүлснээр асфальт бетон хольц болон битумын туршилтыг илүү нарийвчлалтай хийх, тодорхойлох боломжтой болж байгаа юм.