2020 оны УИХ-ын ээлжит сонгууль 06 дугаар сарын 24-нд улс орон даяар болно. Харин 05 дугаар сарын 15 гэхэд нэр дэвшигчид тодорхой болсон байна. Энэ хүрээнд одоо горлигчид эхнээсээ тойргоо тордож эхлээд буй юм.

Завхан аймаг сүүлийн хоёр сонгуульд цэнхэртсэн. 2020 онд яах нь эргэлзээтэй. Ямартай ч одоогийн УИХ-ын гишүүд болох Я.Санжмятав, З.Нарантуяа, Аймгийн Засаг дарга Д.Батсайхан нар Ардчилсан намаас нэр дэвших сонирхолтой байгаа бол эрх баригч МАН-аас “Жем –Интернешнл”-ийн босс улсын гарьд Цэрэнпунцаг, Ерөнхийлөгч асан Н.Багабанди Завхан аймгийн МАН-ын хорооны дарга Б.Энхболд нар өрсөлдөхөөр зэхэж буй аж.