Монгол улсад байнгын оршин суух эрхтэй Франц улсын нэгэн иргэнээс Ковид-19 халдварын шинж тэмдэг илрээд байгаа билээ. Түүнийг Дорногвь аймгийн Улаанбадрах сум дахь “Бадрах Энержи” ХХК-ний кемпид тусгаарлаж байгаад өчигдөр өглөө /2020.03.11/-нд Улаанбаатар хотод авчирч ХӨСҮТ –д тусгаарлаад байсан юм.

Түүнийг ХӨСҮТ-ийн Ерөнхий захирал Д.Нямхүү урд шөнө сахиж хоножээ. Франц иргэний биеийн байдал хүндэвтэр боловч амин үзүүлэлтүүд сайжирч байгаа аж. Тэрбээр сэтгэл санааны гүн хямралд орсон байгаа гэнэ. Мөн тэрбээр нутаг руугаа явж эмчлүүлнэ, Монголчууд надад дургүй байна хэмээн эмчид үзүүлж байсан ч, одоогоор Монголд эмчлүүлэхээр шийдсэн гэлээ.

Иргэдийнхээ эрүүл мэндийн төлөө цаг наргүй тэмцэж байгаа эмч сувилагч нартаа чин сэтгэлээсээ талархал илэрхийлье. Та бүхэн минь энэ франц иргэнийг үзэн ядах биш харин хурдан эдгэрч, сайжраасай хэмээн бодох хэрэгтэй.Түүнийг буруутгаж болохгүй. Хүн хаана эмлүүлэх, хаашаа явах нь хүний эрхийн асуудал учраас та бүхэн хүлээцтэй хандаарай хэмээн уриаллаа.