Эрдэнэс Тавантолгой ХК-ийн гүйцэтгэх захирал Б.Ганхуяг цаг үеийн асуудлаар мэдээлэл хийлээ. Тэрбээр “Эрдэнэ Тавантолгой” ХК-иар битгий улстөр хийж, гай болоод бай. Бид хангалттай сайж ажиллаж байгаа. Өмнө нь гурван удаа улстөржүүлж гацаасан байдаг. Өмнө нь 15 удаа экспорт тасалдаж байсан. Одоо БНХАУ-ын Засгийн газартай яриа хийж, урт хугацаанд худалдан авалт хийх боломжтой. Манайх 42 худалдан авалт хийдэг. Саяын зогсолтоор 3 компани л урт хугацааагаар худалдан авалт хийсэн.

Төр сайн менежер гэдгийг ЭТТ-с харж болно. У.Хүрэлсүхийн Засгийн газар харин ч сайн ажиллаж байна. Манайхыг дарамталсан зүйл огт байхгүй. Эрдэнэс Тавантолгой ХК ашигтай ажилласан. Страто компани манайтай хамтран ажиллаж байсан. Гэхдээ гэрээний үүргээ хоёр ч удаа хангалтгүй биелүүлсэн тул гэрээг нь цуцлаж, хүчингүй болгосон. Одоо шүүх дээр маргаантай байгаа.