Үйлдвэрийн бүс дэх зам талбайд ариутгал, халдваргүйтгэлийг тогтмол хийнэ 
Үйл явдал
/
2020-03-17
Жиргэх

Дэлхийн олон улсад тархаж, хүн төрөлхтнийг түгшээж буй шинэтөрлийн коронавирусын халдвараас урьдчилан сэргийлэх, хамгаалах талаар гаргасан Улсын онцгой комиссын чиглэлийн дагуу Эрдэнэт үйлдвэр өндөржүүлсэн бэлэн байдалд ажиллаж байна. Үүний хүрээнд үйлдвэрийн бүх цех нэгжийн ажлын байранд ариутгал, халдваргүйтгэлийг холбогдох мэргэжлийн байгууллагууд хамтран гүйцэтгэж буй.

Тэгвэл үйлдвэрийн бүс дэх зам, ойр орчмын гадаах талбайд ариутгал, халдваргүйтгэлийн ажлыг Эрдэнэт үйлдвэрийн Гамшгаас хамгаалах штаб, Онцгой байдлын газрын Гал унтраах, аврах 058 дугаар ангийн албан хаагчид зохион байгуулж байна. Мөн үйлдвэрийн ажилчдын өглөө, өдөр, оройн ээлжийн бүх автобусанд ариутгал халдваргүйтгэлийг тогтмол хийж байгаа гэж Онцгой байдлын газрын Гал унтраах, аврах 058 дугаар ангийн захирагч А.Отгонбаяр хэлэв.

Ариутгал, халдваргүйтгэл болон ажилтнуудын биеийн халууныг хэмжих явцад амны хаалт зүүх, гар болон бусад эд зүйлсийг ариутгах хэвшил жигдэрч байгаа хэдий ч тухайн ажилтан ажлын үнэмлэх, бичиг баримтаа тогтмол биедээ авч явахыг Онцгой байдлын албанаас анхаарууллаа. Ингэснээр үйлдвэрийн ажилтан бүр коронавирусээс урьдчилан сэргийлэх арга хэмжээнд эмх цэгцтэй, бүрэн дүүрэн хамрагдаж, болзошгүй аюулаас хамтдаа сэргийлэх боломжтойг Гамшгаас хамгаалах штабын ажилтан онцлов.

 

М.Балжинням

Фото: Б.Ялалт

Сэтгэгдэл:
Таны IP: (3.144.3.235)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Нарансэвстэйн боомтын асуудлаар ажлын хэсэг хуралдлаа

Уржигдар 19 цаг 37 мин

Малын индексжүүлсэн даатгалын тухай хуульд нэмэлт, өөрчлөлт оруулах тухай хуулийн төслийг үзэл баримтлалын хүрээнд хэлэлцэхийг дэмжлээ

Уржигдар 19 цаг 36 мин

БНХАУ-ын ӨМӨЗО-ны Хөх хотод 2025.01.06-14-ний өдрүүд цагаан сарын баярыг угтсан МОНГОЛД ҮЙЛДВЭРЛЭВ 2025 үзэсгэлэн арга хэмжээ зохион байгууллаа

Уржигдар 18 цаг 25 мин