Санхүүгийн тогтвортой байдлын зөвлөлийн хуралдаанаас гаргасан шийдвэрийн дагуу Монгол улсын Засгийн газраас Эдийн засгийн чиглэлийн тодорхой шийдвэрийг гаргалаа. Үүнтэй холбогдуулан Сангийн сайд Ч.Хүрэлбаатар, Монголбанкны Ерөнхийлөгч Б.Лхагвасүрэн, Санхүүгийн зохицуулах хорооны дарга Д.Баярсайхан нар мэдээлэл хийлээ. 

Төв банкны ерөнхийлөгч Б.Лхагвасүрэн: Иргэд, мэргэжлийн холбоод, санхүүгийн байгууллагууд, аж ахуй нэгжүүдийн хүсэлтийн дагуу санхүүгийн тогтвортой байдлын зөвлөл хуралдаж эдийн засгийн хүндрэлтэй үед авах арга хэмжээний тухай зөвлөлдсөн. Уг шийдвэрээ Засгийн газарт танилцуулсан. Гадны улсуудын бодлого, туршлага, дотоодын байдал, арилжааны банкуудтай уулзсаны дараа 1,5 их наяд төгрөгийн зээлийг шийдэх боломжтой. Зөөлрүүлж, хөнгөвчилнө. Арилуааны банкуудын хэвийн үйл ажиллагааг хангахын тулд төв банкнаас бодлого гаргаж 90 хоногийн хугацаанд ЗЭЭЛ, үндсэн ӨРИЙГ төлөхгүй, ХҮҮ ТООЦОХГҮЙ байх зохицуулалт хийлээ... 10000 орчим иргэн, аж ахуй нэгж зээлтэй байна. Нийтдээ 1,5 орчим их наяд төгрөгийн үндсэн зээлийн хүү, алданги тооцохгүй байхаар шийдвэрлэлээ. Энэ шийдвэр банк болон банк бус санхүүгийн байгууллагуудад бүгдэд нь хамааралтай.