Нийслэлийн Онцгой комиссын 2020 оны 03 сарын 02-ны өдрийн 01 дугаартай “Шар усны үерийн аюулаас урьдчилан сэргийлэх арга хэмжээг эрчимжүүлэх тухай” албан даалгаврын хэрэгжилтийг хангах зорилгоор Нийслэлийн төвийн 6 дүүргийн нутаг дэвсгэр дэх үерийн хамгаалалтын барилга байгууламж, далан сувгийн ашиглалтын байдалд хяналт шалгалт хийгдэж байна.

Хяналт шалгалтаар нийтийн эзэмшлийн гудамж, зам талбайн хурын ус зайлуулах барилга байгууламж, далан сувгийн гарц, гаргалгаа бөглөрсөн, ус, дулаан, цахилгаан хангамж, ариутгах татуурга зэрэг инженерийн шугам сүлжээг далан суваг дотор угсарсан нь далан сувгийн ус нэвтрүүлэх чадварыг бууруулж, хог хаягдал ихтэй, цэвэрлэгээ хангалтгүй байгаа зөрчлүүд илэрч илэрсэн зөрчил дутагдлуудыг арилгуулахаар холбогдох байгууллагуудад улсын /ахлах/ байцаагчийн 02-07-098/51 дугаартай албан шаардлага , 02-07-378/44 дугаартай зөвлөмжүүдийг хүргүүлэн ажиллав.