УИХ-ын гишүүн М.Энхболдыг 2017 оны сонгуулийн үеэр нэр бүхий иргэд "ХУЖАА" хэмээн шоолж, нэр төрд нь халдаж байсан. Өөрийнх нь дээд дуамд урд хөршийн гаралтай хүн байсан тухай ч тэрбээр нуулгүй ярьсан бичлэг бий. Тэр цагаас хойш улстөрийн өрсөлдөгч нар нь Хятад гаралтай хэмээн юм л бол адлах гээд байдаг болсон. Гэхдээ энэ нь Үндсэн хууль зөрчсөн үйлдэл байв. Үндсэн хуульд "Угсаа гарал, удам судар, арьс өнгө, хөрөнгө чинээгээр нь ялгаварлан гадуурхахыг хориглоно" хэмээн заасан нь М.Энхболдыг зөвтгөх гол хүчин зүйл болсон юм. 

Тэгвэл тэрбээр "Дарханы замын ажилд оролцохоор БНХАУ-с манай улсад ирэх 105 ажиллах хүчнийг эсэргүүцэж, Монгол залуучуудаар хийлгэ" хэмээн жиргэжээ..

Баасан гарагт /2020.03.20/ Зам, тээврийн хөгжлийн сайд Б.Энх-Амгалан мэдээлэл хийх үеэрээ “Улаанбаатар-Дархан чиглэлийн авто замд ажиллаж байгаа БНХАУ-ын 105 иргэний амралтын өдрүүдэд тусгай үүргийн нислэг үйлдэж, Монголд авчирна” гэж мэдэгдсэн билээ. Энэ нь олны шүүмжлэлийг багагүй хүртээд буй.