Сангийн сайд асан С.Баярцогтод холбогдох Оюутолгойн хэргийг 2020 оны гуравдугаар сарын 5-ны өдөр Нийслэлийн прокурорын газрын хяналтын гурван прокурорын шийдвэрээр хүчингүй болгожээ. Түүнийг  Оюу толгойн гэрээг байгуулахдаа хөрөнгө оруулагч талд давуу байдал бий болгож найман их наяд төгрөгийн хохирол учруулсан хэргээр 2017 онд хавтаст хэрэг үүсгэн улмаар яллагдагчаар татаж, хоёр сар гаруй хорьсон байдаг.

Тэгвэл 2020 оны гуравдугаар сарын 5-ны өдөр Нийслэлийн прокурорын газрын хяналтын гурван прокурорын шийдвэрээр хүчингүй болгожээ. Ингэснээр хэрэг үүсгээд гурван жил, яллагдагчаар татан хоёр жил болсны дараа Нийслэлийн прокурорын газар өмнөх шийдвэрээ хүчингүй болгосон энэ юм. Энэ талаар тэрбээр нэгэн хэвлэлд өгсөн ярилцлагадаа "Оюу толгойн ХөОГ 2009 онд байгуулагдахдаа хөрөнгө оруулагч талд давуу байдал олгож, Монгол Улсад ашиггүй, хохиролтой гэрээ хийсэн, хийсэн хүмүүс нь авилга, хээл хахууль авсан гэсэн 10 жилийн хардлага сэрдлэгэд нэг мөр цэг тавилаа” хэмээн онцолжээ.