Тодруулбал, ажлын хэсгийнхэн 18, 12, 13 дугаар хороо буюу Таваншар, Саппоро, Цамбагарав орчимд борооны ус ихээр тогтдог нийтийн эзэмшлийн зам талбай, орон сууц хороолол дундах борооны болон хөрсний ус зайлуулах шугам сүлжээ, үерийн хамгаалалтын барилга байгууламжийн цэвэрлэгээ, засвар арчлалтын байдалд хяналт, шалгалт хийлээ. Мөн борооны ус болон хөрсний ус зайлуулах шугам сүлжээний график цэвэрлэгээ, үзлэгийн худгийн таг, байгууламжийн засвар, арчлалт, стандарт технологийн дагуу ашиглалт, арчлалтыг хэрхэн хариуцаж буй талаар албаныхантай санал, солилцож зөвлөгөө мэдээлэл авлаа.