Монгол улсад өнгөрсөн хоногт шинэ тохиолдол болон сэжигтэй тохиолдол илрээгүй бөгөөд дахин хоёр өвчтөн эдгэж эмнэлгээс гарч ажиглалтанд орлоо. Эдгээр хүмүүст гурван өдөр дараалан 5 төрлийн илрүүлэх шинжилгээ хийхэд коронавирус илрээгүй. Эмнэлгээс гарч сувиллын газарт ажиглалтанд байж хяналтаа үргэлжлүүлж дахин шинжилгээ авна. Эхний эдгэрсэн хоёр хүн Сөүл-Улаанбаатар чиглэлийн нислэгээр ирсэн хүмүүс байсан бол сүүлд эдгэрсэн хоёр хүн нь Берлин – Улаанбаатар чиглэлийн нислэгээс илэрсэн тохиолдлууд байсан юм. Ингээд манай улсад 15 тохиолдол бүртгэгдсэний дөрвөн тохиолдол нь эдгэрлээ.