1993 оны 4 дүгээр сарын 16-нд буюу одоогоос 27 жилийн өмнөх энэ өдөр санаа нийлсэн дөрвөн залуу зөвлөх үйлчилгээ эрхлэх компани үүсгэн байгуулж, компаниа М-Си-Эс буюу Mongolian Consulting Service гэсэн англи үгийн товчлолоор нэрлэжээ. Группийн Захирлуудын Зөвлөлийн дарга Ж.Оджаргал 1992 онд Швейцарийн Цюрих хотноо Электроватт компанид ажиллаж байсан үед М-Си-Эс компанийг үүсгэн байгуулах санаа анх төрсөн гэдэг.

Өнгөрсөн 2019 онд "М-Си-Эс" групп нийт 513 тэрбум төгрөгийн татвар, шимтгэл төлжээ. Үүнийг өдөр, цаг, минутаар тооцвол гайхалтай үр дүн харагдана. Өдөрт 1.4 тэрбум төгрөг, цагт 58.5 сая төгрөг, минутанд 976.000 төгрөгийн татвар, шимтгэл төлдөг аж.

2010.10.13. Энержи Ресурс компани Хонгконгийн хөрөнгийн биржид Mongolian Mining Corporation нэрээр бүртгүүлж, Монголын компаниудаас анх удаа олон улсын хөрөнгийн зах зээлд амжилттай хөл тавив.