Дэлхий нийтийн хөгжлийн чиг хандлага улам ихээр өөрчлөгдөж биет үйлдвэрлэлээс илүүтэйгээр хүний оюун санаанаас урган гарсан оюуны үйлдвэрлэл голлох үүрэг эзэлж байна. Оюуны бүтээлүүд болох патент, ашигтай загвар, барааны тэмдэг гэх мэт зүйлсийг бид байр, машин, гар утас, хувцастай яг ижилээр үнэлж хүндлэх цаг удахгүй ирнэ гэдэгт итгэдэг.

Фэйсбүүкээр хулгайн киноны линк асууж, зах дээр хулгайн DVD хувилагдан зарагдаж, ном бүтээл нь канондогдож тараагддаг байдал үгүй болох ёстой. Монголыг Оюутолгой, Тавантолгойгоос илүүтэй Монгол толгой хөгжүүлэх цаг айсуй.