Эрүүл мэндийн яамнаас коронавирусний халдварын нөхцөл байдал, урьдчилан сэргийлэх арга хэмжээний талаар өнөөдрийн /2020.04.24/ ээлжит мэдээллээ өглөө. 

Энэ үеэр ХӨСҮТ-ийн захирал Д.Нямхүү "Алтанбулаг боомтоор орж ирсэн 47 жолооч, Сэлэнгэ аймагт тусгаарлагдсан хоёр хүний шинжилгээг хийлээ. Дархан-Уул аймагт ХӨСҮТ-ийн дайтай лаборатори ажиллаж эхэлсэн. Сэлэнгэ аймаг,  Алтанбулаг боомтоор орж ирж байгаа жолооч нарын шинжилгээг хийж байна. Нэг хүн эдгэрч гарлаа. Туркийн иргэн эдгэрч, гэрийн хяналтад шилжсэнийг хэлье. 

Мөн ХӨСҮТ-өөс тусгаарлагдсан хүмүүсээс давтан шинжилгээ авч байгаа ба ОХУ-аас ирж тусгаарлагдсан нэг иргэнээс 13 хоногийн дараа халдвар илэрлээ. Гурав дахь удаагийн давтан шинжилгээгээр халдвар илэрсэн. Энэ нь тусгаарлалт ямар чухал вэ гэдгийг харуулж байна" гэв.