Хүүгийнхээ хамт шүүхийн хаалга татаж, хуулийн байгууллагад аргамжаатай болсон Ардчиллын алтан хараацай Э.Бат-Үүл 2020 оны сонгуульд БИЕ ДААН нэр дэвшихээ илэрхийлж, мөрийн хөтөлбөрөө Үндэсний аудитын газарт өгчээ

Түүнийг хотын даргаар ажиллаж байхдаа хүүгийнхээ компанид давуу байдал олгож, дахин төлөвлөлтийн ажилд оролцуулсан нь гэм хэргийн шинжтэй хэмээн хууль, шүүхийн байгууллагаас үзэж буй. Тэрбээр өөрийг үзэл бодолдоо үнэнч нэгэн бөгөөд Ерөнхийлөгч асан Ц.Элбэгдоржийг өмөөрдөг, одоогийн Ерөнхийлөгч Х.Баттулгыг шүүмжилдэг нэгэн юм. 

Ерөнхийлөчгийн Тамгын газрын дарга асан З.Энхболд түүнийг зөрчлийн хэргээр хоёр ч удаа нэр төрд халдсан гэж үзэн цагдаад өгч, торгуулсан юм. Тэгвэл Хотын дарга асан Э.Бат-Үүл З.Энхболдыг амлан авч байгаа бололтой. Тэрбээр З.Энхболд хаана дэвшинэ, би түүний тойрогт өрсөлдөнө хэмээлээ.