Богдхан уулын дархан цаазат газрын хамгаалалтын захиргаанаас ОЙ, ХЭЭРИЙН ТҮЙМРЭЭС УРЬДЧИЛАН СЭРГИЙЛЭХ зорилгоор нийслэлийн Цагдаагийн удирдах газар, Онцгой байдлын газар, Тээврийн цагдаагийн албаны Замын Цагдаагийн газар, Байгаль орчны газартай хамтран явганаар болон тээврийн хэрэгслээр нэвтрэх хөдөлгөөнд шалгалт хийж байна.

Хамгаалалтын захиргааны мэргэжилтэн, байгаль хамгаалагчид нийт нутаг дэвсгэрийн хэмжээнд өдөр бүр ажиллаж байгаа бөгөөд дээрх арга хэмжээг 2020 оны 6 дугаар сарын 10 хүртэл зохион байгуулах аж.