Эрүүл мэндийн яамны ээлжит мэдээлэл хийлээ. ХӨСҮТ-ийн Ерөнхий захирал Д.Нямхүү “Франц иргэний биеийн байдал сайжирч ХӨСҮТ-с гарч, Энхсаран сувилалд шилжиж байна. Анх ирэхдээ хүнд байсан. 47 хоног эмчилгээ хийлгээд гарч байна. Анх энэ хүнийг ирэхэд Монгол улс дэлхийн анхаарлын төвд орсон. Монголын эмч нар гадны иргэдийг эмчилж, мэдрэмж, ур чадвараараа эмчиллээ. Одоогийн байдлаар 26 хүн эмчилгээ хийж байгаа. Монгол эмч нар чадлаа. Бидний энэ үйл хэргийн хариу нь Монголчуудад минь ирэх болтугай. Баярлалаа” гэлээ.