2020 оны УИХ-ын ээлжит сонгуульд АН-аас нэр дэвхишээр нийт 181 хүн 100 сая төгрөгөө өгчээ.
АН-ын гишүүдээс ирүүлсэн хүсэлтэд үндэслэн Х.Ганхуяг АН-аас сонгуульд нэр дэвшихээр 100 сая төгрөгөө төлсөн иргэдийн нэрсийн жагсаалтыг танилцуулсан.

Уг жагсаалтад “Хөх чоно” группийн үүсгэн байгуулагч, Эрчим хүчний дэд сайд асан Ө.Пүрэвбаатарын ууган хүү "Хөх чоно" группийн Гүйцэтгэх захирал  П.Мөнхтулга байгаа нь олны анхаарлыг татаад байгаа юм. “Хөх чоно” группын өв залгамжлагч П.Мөнхтулгын хувьд өдгөө 30 настай.

Олон улсын эдийн засагч мэргэжилтэй. Мөн улсын байгууллагад ажилласан туршлага байхгүй ч, өөрийн группын чухал ажлуудыг нугалдаг сайн “менежер” гэлтэй. Өдгөө нийгэмдээ эерэг нөлөөллийг үзүүлэх, өөрчлөлт, шинэчлэлтийг аврчирахад чиглэсэн олон нийтийн ажилд манлайлан оролцож, өөрийн үзэл бодол, үнэт зүйлээ бусдад түгээхийн төлөө хөдөлмөрлөж яваа нэгэн. Архангайчууд чухам түүнийг сонгох болов уу...