Эрүүл мэндийн яам цаг үеийн асуудлаарх ээлжит мэдээллээ хийлээ. Энэ үеэр ХӨСҮТ-ийн ерөнхий захирал Д.Нямхүү иргэдийн шинжилгээний хариу болон, эмчилгээний талаар мэдээллийг танилцууллаа.

Тэрээр "2020 оны дөрөвдүгээр сарын 28-нд ХӨСҮТ болон Монгол Улсын хэмжээнд сэжигтэй тохиолдол бүртгэгдээгүй. Дархан-Уул болон ХӨСҮТ-ийн хоёр, нийт гурван лабораторид 315 шинжилгээ хийхэд коронавирусийн халдвар илрээгүй.

ХӨСҮТ-өөс тусгаарлалтын хугацаа нь дууссан 80 хүнийг шилжүүлэн гаргасан. Мөн ажиглах байранд байсан 154 хүнийг дараагийн ажиглалтад шилжүүллээ. Дараагийн нислэгээр ирэх иргэдээ хүлээж авах байр, бэлтгэл ажлыг хангаж байна" гэлээ.